Patiṟṟup pattu

((Originally extracted from master file ^PATIRRU.OCP))
((Last updated on 2004 April 14th))

• {PATI 43-1} kavari mucci kār viri kūntal
• {PATI 43-2} ūcal mēval cē iḻai makaḷir
• {PATI 43-3} ural pōl perum kāl ilaṅku vāḷ maruppiṉ
• {PATI 43-4} perum kai mata mā pukutariṉ avaṟṟuḷ
• {PATI 43-5} viruntiṉ vīḻ piṭi eṇṇu muṟai peṟāa
• {PATI 43-6} kaṭavuḷ nilaiya kal ōṅku neṭu varai
• {PATI 43-7} vaṭa ticai ellai imayam āka
• {PATI 43-8} teṉ am kumariyoṭu āyiṭai aracar
• {PATI 43-9} muracu uṭai perum camam tataiya ārppu eḻa
• {PATI 43-10} col pala nāṭṭai tol kaviṉ aḻitta
• {PATI 43-11} pōr aṭu tāṉai polam tār kuṭṭuva
• {PATI 43-12} irum paṇai tiraṅka perum peyal oḷippa
• {PATI 43-13} kuṉṟu vaṟam kūra cuṭar ciṉam tikaḻa
• {PATI 43-14} aruvi aṟṟa peru vaṟaṉ kālai um
• {PATI 43-15} arum celal pēr āṟṟu irum karai uṭaittu
• {PATI 43-16} kaṭi ēr pūṭṭunar kaṭukkai malaiya
• {PATI 43-17} varaivu il atir cilai muḻaṅki peyal ciṟantu
• {PATI 43-18} ār kali vāṉam taḷi corintāaṅku
• {PATI 43-19} uṟuvar āra ōmpātu uṇṭu
• {PATI 43-20} nakaivar āra nal kalam citaṟi
• {PATI 43-21} āṭu ciṟai aṟutta narampu cēr iṉ kural
• {PATI 43-22} pāṭu viṟaliyar pal piṭi peṟuka
• {PATI 43-23} tuy vī vākai nuṇ koṭi uḻiñai
• {PATI 43-24} veṉṟi mēval uru keḻu ciṟappiṉ
• {PATI 43-25} koṇṭi maḷḷar kol kaḷiṟu peṟuka
• {PATI 43-26} maṉṟam paṭarntu maṟuku ciṟai pukku
• {PATI 43-27} kaṇṭi nuṇ kōl koṇṭu kaḷam vāḻttum
• {PATI 43-28} akavalaṉ peṟuka mā ē eṉṟum
• {PATI 43-29} ikal viṉai mēvalai ākaliṉ pakaivar um
• {PATI 43-30} tāṅkātu pukaḻnta tūṅku koḷai muḻaviṉ
• {PATI 43-31} tolaiyā kaṟpa niṉ nilai kaṇṭikum ē
• {PATI 43-32} niṇam cuṭu pukaiyoṭu kaṉal ciṉam tavirātu
• {PATI 43-33} nirampu akalpu aṟiyā ēṟā ēṇi
• {PATI 43-34} niṟaintu neṭitu irā tacumpiṉ vayiriyar
• {PATI 43-35} uṇṭeṉa tavāa kaḷḷiṉ
• {PATI 43-36} vaṇ kai vēntu ē niṉ kali makiḻāṉ ē